هر نه گلر خاطریمه یازارام

 

 

اوره گیمین معدنینی قازارام

 

 

هر بیریسی استمه سوز پوزارام

 

 

من یازارام سوز اوخویون سویونون

 

بگنمسوز دالیمیجان دیونون

گیردننی دولیاردیم تاسمیا

 

 

تا کی اونی چله گلیپ باسمیا

 

 

ننه م گویه گولاغیمنان آسمیا

 

 

شیرتلنردیم ننه م منی ورماسین

 

گیردنمین تاسماسینی قیرماسین

آختاراردیخ بیرجه تکر تاپماقا

 

 

اوننان گدیپ تنگه لری چاپماقا

 

 

کوت ییردیک گیدردیک پول تاپماقا

 

 

تاپامازدیخ قایداردیخ گلردیک

 

ننه میزدن دورت بیش قران
  سیلردیک

کولوکلرده آخشامانجاق آتلما

 

 

اوتان گَده، پال پالتارون باترما

 

 

یانون باتار، توپراق اوسته
  اوتورما

 

 

ننه م دییپ منده یاخچی دیردیم

 

باترجاغین بیر آیریسین گیردیم

گاپلانتیدان داش هلدیپ باخاردیخ

 

 

اوزرگیلی کولشلره تاخاردیخ

 

 

نایلوننان توپراق اوسته آخاردیخ

 

 

اوگونلری یادا سالیپ یانارام

 

عمر آدلی گونلریمی سانارام

گوش پوویا گیرچک دوزداق
  گوراردیم

 

 

تاچخانجاق او آرادا دوراردیم

 

 

دوزداق اوسته اویناداردیم
  یوراردیم

 

 

ویلّیردیم فرشین اوسته سچاردی

 

پنجردن بیردن چخیپ قاچاردی

توپراق اوسته داشینان یول
  آچاردیخ

 

 

دویرسینه آغاج ماغاج ساچاردیخ

 

 

اخرینده اوچورداردیخ قاچاردیخ

 

 

بیش قرانانا ساقز آلیپ ییردیک

 

یردی یری چوماخ یری دیردیک

صوبلر دروپ مال ناخیرا قاتماقیم

 

 

گیردننی تاسمینان اوینادماقیم

 

 

یورقون گلیپ آخشام تزدن
  یاتماقیم

 

 

هاردا قالدون خوش گونلریم
  زمانیم

 

ایندی چاتار گویه آهیم فغانیم

صوبلر یردن واخلی واخلی دوراردیخ

 

 

کتابلاری گولتوخولارا وراردیخ

 

 

صبحانیه یاغلی دورمونج بوراردیخ

 

 

ایندی هامی باشین چکیپ یاتیپدی

 

آز باهایا ایمانینی ساتیپدی

دوبیر بالا هر طرفی قار الیپ

 

 

آغ گوینگین هر طرفه قار سالیپ

 

 

هامّی توکوپ فقط بیزیم دام
  قالیپ

 

 

صبح دیردی ننه م بالا دورگنان

 

سنده سیریخ دام اوستونده
  سورگنان

گوزی پوخلو قار توکمگه دوریدیم

 

 

دام دیشلرین قارین تمام کوریدیم

 

 

آخردا بیر قاردان آدام گوریدیم

 

 

انیپ گلیپ حرّه خشیل ییدیم

 

آخرینده اله شکر دییدیم

گوزولارین قورلاخلارین داغلادیم

 

 

کورپه ایچره اونا نشان باغلادیم

 

 

زیل سسینن من بورقورندا آغلادیم

 

 

مغان ددی قویما اونی اولیا

 

فرتقینی اوز گوزونه بولیا

بَحمداله صوبلر بانکا چالاردی

 

 

جنگیلتیسی گولاغیمدا قالاردی

 

 

اوخویاردی کنده بیر سس سالاردی

 

 

مش گلماجیم دید گده گل بیله

 

زیل سسونن سالما کنده ولوله

ذوقعلی دی، رایتیدی، منیدیم

 

 

اول اولار، سورادا من انیدیم

 

 

ممرضانین پالتووینا دینیدیم

 

 

هسلنیدی دوروپ بیزی قوویدی

 

توتانیندا قولاغینی اوویدی

پی جیک اوسته کهلیکلرین یوواسی

 

 

صوفلیخدا صوفی لارین دوواسی

 

 

یحیی آغلی سنیپ چراغ قوواسی

 

 

یادیمدادی خاطریمدن چخامّاز

 

جبّار دیدی یحیی منی یخامّاز

گزلن پاچی آغشامانجاق اویناردخ

 

 

اَبه اوسته قایدانی قویمازدخ

 

 

یالان یره هی جوشاردخ قایناردخ

 

 

خوش گونلریم او گونیدی سوشدی

 

جوانلیقیم قوجالیقنان بوغوشدی

دوگمه لری بیربیرینه قاتاردخ

 

 

چولا قازیپ چولا ایچره آتاردخ

 

 

اننان اوتوپ آیرسنا ساتاردخ

 

 

کوینکلرین دوکمه لرین سکردیک

 

جیبیمیزه بیربیر قرپ توکوردیک

یومورتانی بیربیرینه وراردخ

 

 

قاتارقوروپ بیربیر وریپ قراردخ

 

 

برکین وروپ بوشینا سندراردخ

 

 

بیرده گلیپ کاشکی قاتار قورریدخ

 

یومورتانی بیربیرینه وریدخ

جزخ چکیپ قیشلری سالاردخ

 

 

آلاداردخ قیشلری الاردخ

 

 

قیشینن اورا بیر سس سالاردخ

 

 

دوندر گلسین دوندر گلسین دیردیک

 

گورخومزدان دورت بش شالوار
  گیردیک

قیشلری بیربیر یره سرردیک

 

 

ال اوزادیپ ایشکدن ال ورردیک

 

 

قیشلرین گوتورردیک سورردیک

 

 

گون قیشین شاپاسینان وراردخ

 

آخر اونی ورا ورا قراردخ

گیرداکانی دال با دالا دوزردیک

 

 

لوسته دوشسون یاواشجالی سوزردیک

 

 

مادالارین پوچون وریپ ازدریک

 

 

شایلق آلان گل شایلقا دیردیک

 

بعضی سینده سندراردخ ییردیک

هی دیریدیک پوچ گردکان قوردی
  یوخ

 

 

بو اویوندا بوش مولانی وردی یوخ

 

 

گل بویانا مولا اوسته دوردی یوخ

 

 

باش اولاردی باش دالینان زیل
  قارا

 

هیچ بیلمزدی زیل قارا آتسین هارا

قاریاغاندا گورسون اوشاخ کتدینی

 

 

فوری کسر باشماقینین ردّینی

 

 

سوروشگنده گورسدر اوز شدّینی

 

 

بوکتدینین سالم اولان ورزشی

 

طبیعتین اوشاقی، وار ارزشی

قار اوستونده اوشاقلارنان
  سورشمک

 

 

گونده گونده سورشکنده گورشمک

 

 

ناغل دیپ با هم اولوپ گولوشمک

 

 

سفره باشی جمع اولونوپ یغشماخ

 

هیچ زاد اوسته اوشاقلارنان
  ورشماخ

قیرخ بولاغین سووی قیرخ گون
  گلردی

 

 

قاغام اونین وقتین قشنگ بلردی

 

 

باغمزا او سووی ارخ الردی

 

 

عجب شیرین سرین سووی اولاردی

 

یارپوزنان دویرلری دولاردی

بیرچخیدیم اوشاقلقین گویونه

 

 

داش توکیدیم جوانلقین اویونه

 

 

هانسی ابله جوانلیقا سویونه

 

 

آی چورگه پَه پَه دین گونلریم

 

یاواش یاواش ایمکلین گونلریم

آی چورگه په په دین گونلریم

 

 

یاواش یاواش ایمکلین گونلریم

 

 

شادان پوردان پوتون گین گونلریم

 

 

بیرده منیم خردا کوتوم اولیدی

 

ایکی جیبی قورقینان دولیدی

ایندی بیزی مشکل آلیپ آرایه

 

 

آق گونلری دوندریپدی قارایه

 

 

یوخدی بیر کس تا یتیشه هارایه

 

 

هارایلادیم او قدر سسیم توتولدی

 

بسلدیگیم جان غربتده قوتولدی

تندیروزده پنجه گشی یاپاندا

 

 

اوشاخ وریپ قولتوغونا چاپاندا

 

 

سوزی الله بیر بکار وقت تاپاندا

 

 

منی ده بیر خاطروزه گتیرون

 

منه طرف بیرجه سلام یتیرون

تندیروزدن ایشلی فتیر چخیدی

 

 

یییدیم بیر اورگیمی سخیدی

 

 

او باغیشن الله اوین یخیدی

 

 

وصل اوینی اوزاخ سالیپ بیزلره

 

الله بیلیر نیلیجک سیزلره

تندیروزده ایشلی فتیر یاپلدی

 

 

قوناخ گلی حتماً خمیر آتلدی

 

 

یاخچی گونوم آز باهایا ساتلدی

 

 

سوزده منّن یادایلیون او واختی

 

ایلدوز کیمین پارلادی تز آختی

تندیروزده کابابلاری ساچاندا

 

 

تندیر آغزین چاپایچون آچاندا

 

 

توی یرینه اوشاقلاروز قاچاندا

 

 

گوش توکولوپ تندیرستان دولیدی

 

«صداقتده» کاشکی اوردا اولیدی

تندیروزده پیشسین دنک تزه دن

 

 

داماغیمدا قالیپدی او مزه دن

 

 

تا سو ایچم قیرخ بولاغدا گوزدن

 

 

لازم اولوپ بیر قایدام وطنه

 

تا قایدا چخمش روحوم بدنه

تندیروزده سوتلی قورقا قورولا

 

 

اوقدر ییم انگیم آخر یورولا

 

 

او فلکین کول باشینا سورولا

 

 

تندیرینده اوتین ویروپ کچردی

 

ایریلیقین جامین بیزه ایچیردی

تندیر اوسته چایدانلاروز
  قایناسین

 

 

توی ایلیون فامیلروز اویناسین

 

 

اوجا توتون گلین لرین آیناسین

 

 

دشمن گوروپ جوت گوزلری کور
  اولسون

 

اورکلروز محبتین پر اولسون

تندیر اوسته ایشلی فتیر ییردیک

 

 

شیرین شیرین، دانشاردیخ دیردیک

 

 

گوزل گوزل ایل لباسی گیردیک

 

 

قزلار ایندی دامن بلوز کت گیور

 

دامنیده چوخ گوربپدی، شوت گیور

کندیمیزده قزل اوزن کناری

 

 

یایی، قشی، پاییزینان بهاری

 

 

اپارالار اورایلده، داواری

 

 

چوبان قارداش گچه گوندوز
  اوتارار

 

اریخ گویون اولمگیندن، گوتارا

بیر گیدیدیم قزل اوزن دوزیندن

 

 

سو ایچیدیم چشمه سینن گوریندن

 

 

ع